အိပ်မက်တွေအကောင်အထည်ဖော်ဘို့

ကျမတို့ငယ်ငယ်က စာဖတ်ဘို့ အတော်အတန်ခက်ခဲသည်ဟုပြောရမည်။

ဖတ်စရာစာအုပ်ရနိုင်သည့်နေရာရှားပါးသည်။

အိမ်မှာ အဖေ၀ယ်ယူစုဆောင်းထားသော စွယ်စုံကျမ်းများရှိသည်။

အမဖြစ်သူ ကျောင်းစာကြည့်တိုက်မှငှားလာသည့်စာအုပ်များမှာ အငှားဆိုင်မှာမရနိုင်သည့်စာအုပ်များဖြစ်ပြီး ဖတ်လို့အလွန်ကောင်းသည်။

လမ်းထဲက စာအုပ်အငှားဆိုင်မှ ငှားရမ်းဖတ်ရှုနိုင်သည်။

အငှားဆိုင်မှ ငှားဖတ်သည့်အခါ ရက်အလိုက်ငှားရမ်းခပေးရသည်။

မုန့်ဘိုးထဲမှကုန်ကျရသည်ဖြစ်၍ ထင်သလောက်ငှားမဖတ်နိုင်။

ကျောင်းစာကျက်မှတ်ဘို့တာဝန်ကလည်းရှိနေသေးသည်။

စာမေးပွဲနောက်ဆုံးနေ့ဆိုလျှင်အလွန်ပျော်သည်။

စိတ်ကြိုက်စာဖတ်ရတော့မည်။ ကျောင်းပိတ်ရက်မှာ မုန့်ဘိုးမရတတ်၍ ကြိုတင်စုဆောင်းထားရသည်။

ငယ်စဉ်က အလွန်တောင့်တမိသည့်အရာတစ်ခုမှ စာကို စိတ်တိုင်းကျဖတ်ခွင့်ရရေးပင်ဖြစ်သည်။

အသက်ကြီးလာသောအခါ စာကျက်စရာမလိုတော့၍ စာဖတ်ဘို့အချိန်ပိုပေးနိုင်မည်။

ကိုယ်ပိုင်ဝင်ငွေနဲ့မို့ စာအုပ်ငှားရမ်းခကိုလည်း စဉ်းစားစရာမလို။

စာကိုစိတ်တိုင်းကျဖတ်ခွင့်ရရေးသည် ဘ၀တစ်ခုလုံး၏အိပ်မက်ဖြစ်ခဲ့သည်။

စည်းစိမ်ဥစ္စာနှင့်အခြားပျော်ရွှင်မှုများသည် အိပ်မက်တွင်ပါဝင်ခြင်းမရှိခဲ့။

သို့သော် ဘ၀အတွေ့အကြုံအမျိုးမျိုးကိုဖြတ်သန်းရင် စာပေနှင့်ဝေးကွာလာသည်။

ငယ်စဉ်ကအိပ်မက်များကိုပင် မေ့လျော့လာခဲ့သည်။

စာပေနှင့်ဝေးကွာသည်ဆိုခြင်းမှာ ငယ်စဉ်ကတောင့်တခဲ့သောစာပေများကိုဆိုလိုရင်းဖြစ်သည်။

အခြားစာပေများနှင့်တော့နေ့စဉ်နပန်းလုံးနေရပါသည်။

ဆရာဖြစ်ကာစမှာ စာအုပ်နှင့်မျက်နှာမခွာဆိုသည့်စကားမှာ အပြောမဟုတ်လက်တွေ့ဖြစ်ခဲ့သည်။

ဆရာပါးဝလာတော့ စာအုပ်နဲ့မျက်နှာနဲနဲခွာလို့ရလာသည်။

အခြားစာပေများဖတ်မည်ဆိုလျှင်ဖတ်ဘို့အခွင့်အရေးရှိလာသည်။

သို့သော် ငယ်စဉ်က အိပ်မက်များကို မေ့လျော့နေခဲ့သည်။

အချိန်ရလျှင် နည်းပညာဆိုင်ရာစာအုပ်များဆီသို့သာ စိတ်ကဦးတည်သွားသည်။

အခုတော့ ကိုယ့်အဖြစ်ကို ကိုယ်ပြန်သုံးသပ်မိလာသည်။

ဒီအချိန်ဟာငယ်စဉ်ကအိပ်မက်တွေကို အကောင်အထည်ဖော်ဘို့အကောင်းဆုံးအချိန်ပါလား။

စာကျက်စရာလည်းမလိုတော့။

ဖတ်လိုသည့်စာအုပ်များကိုအလွယ်တကူအခမဲ့ရနိုင်သည့် အင်တာနတ်ဆိုတာကြီးကလည်း ကိုယ့်အခန်းထဲထိရောက်နေပြီ။

ဘာလိုသေးသလဲ။ ဘာမှမလိုတော့ပါ။ ဖတ်ဘို့သာလိုပါတော့သည်။

ငယ်စဉ်က စာအုပ်ကိုလုဖတ်ခဲ့ရသည်။ တစ်ခါတစ်လေ လုရင်းစာအုပ်ပြဲသည်အထိလည်းဖြစ်ခဲ့ဘူးသည်။

အခုတော့လုစရာမလို။ ကိုယ်အခမဲ့ရထားသည့် စာအုပ်ကိုလူသန်းပေါင်းများစွာကိုမိနစ်ပိုင်းအတွင်းပြန်မျှဝေပေးနိုင်သည့်ခေတ်ဖြစ်နေပေပြီ။

ကျမတို့စာဖတ်ဘို့သာလိုပါတော့သည်။ စာဖတ်ကြပါစို့။